Ethio Bilal Tube
Welcome
Login / Register

BECHEGNENET SELECHEGNE BE MOHAMED FEREJ

ብቸኝነት ሰለቸኝ ፦ በመሀመድ ፈረጅ

 

 

አንዳንዴ ከብዙ መጠፋፋትና መራራቅ በኋላ ያገኛችሁትን ወዳጃችሁን በቅድሚያ ስለምን መጠየቅ እንዳለባችሁ ግር ሊላችሁ ይችላል፡፡

ስለ ትምህርት፣ ስለ ሥራ፣ ስለ ቤተሰብ፣ ስለ ትዳር … ትንሽ አስጨናቂ ነው አይደል? ብቻ እንዲህ ያለ ነገር ሲከሰት አቋራጭ የመሹለኪያ

መንገዶች ከሆኑት ውስጥ ስለ ትዳር መጠየቅን የመሰለ ማምለጫ የሚገኝ አይመስለኝም፡፡ እኔም ያደረግኩት ይሄንኑ ነበር፡፡ ናፍቆት ከተነሰነሰበት

የሰላምታ ልውውጥ በኋላ ፈጥኜ "ሰርግ ሳትጠራኝ ተዘወጅክ አይደል" አልኩት፡፡ ሆድ ሆዱን እያየሁና የቦርጩን ቁመት እየለካሁ፡፡

ግምቴ ልክ ነበር - የቀድሞ ወዳጄ በቅርቡ አግብቷል፡፡ በምን አወቅክ? እንዳትሉኝ! የዘመኑ ጋብቻ ኪስን እያስለቀሰ ሆድ እንደሚነፋ አሳምሬ

ስለማውቅ ነበር ከገፅታው ይልቅ የተንጠለጠለ ሆዱን አስቀድሜ ማየቴ፡፡ እንደማፈር እያለ ስልኬን ደጋግሞ እንደደወለና ሊያገኘኝ እንዳልቻለ

ገልፆ ሃሳቡን በ "አፉ" በለኝ አሳረገ፡፡ በደስታው ቀን ከጎኑ ባለመታየቴ የተከፋሁ መስዬ ለመታየት እየሞከርኩ እግረመንገዴን ወደ ትዳር የተሳበበትን

ምክንያት ቀለል አድርጌ ጠየቅኩት፡፡ " እንዴ ብቸኝነት ሰልችቶኝ ነዋ " አለኝ ፡፡ ብቸኝነት ምን ያለ ስሜት ነው? ሰው ጋብቻ ስለመሰረተ ብቻ ከብቸኝነት

ይላቀቅ ይሆን? ብቻ መሆንና ብቸኝነትስ ምን ያዛምዳቸዋል? ይህን ሁሉ የማስበው ስልክ ተለዋውጠን ከተለያየን በኋላ ነበር፡፡ ወዳጄ ሰልችቶት

የሸሸውን ብቸኝነት ትዳር ውስጥ ሲያገኘው ምን ሊሰማው እንደሚችል ማሰቤን ቀጥያለሁ፡፡

RSS